Konpositorea.
Mauricio Sotelo Espainiako gaur egungo konpositore nabarmenetako eta ospetsuenetako bat da. Bere lanaren ezaugarria “flamenko espektrala” edo “alterflamenkoa” deiturikoaren sorkuntza da, eta flamenkoaren tradizioa mendebaldeko musika abangoardistaren oinarri estetikoarekin eta pentsamendu filosofikoarekin uztartu izanari zor zaio hori. Obren katalogo zabala osatu du, besteak beste, kontzertu eta opera ugari. Bere ekoizpena musika garaikideko erakunde eta bakarlari handienekin eta azken berrogeita hamar urteetako artista flamenko ospetsuenekin egindako enkargu eta lankidetzen emaitza da. Aintzatespen handiak jaso ditu, hala nola Musikaren Sari Nazionala (2001) eta Berlingo Ikasketa Aurreratuen Institutuan egonaldia egitea (2011-2012). Sotelo Konposizioko irakaslea da Kataluniako Goi Mailako Musika Eskolan eta hizlari izan da Austria, Alemania, Italia, Japonia eta Estatu Batuetako erakundeetan. Soteloren lana Universal Editionek argitaratu du.
